North Eastern Railway Apprentice Recruitment 2025: Apply Online Before November 15
North Eastern Railway (NER) ne apprenticeship ke liye vacancies ka elaan kiya hai. Yeh un ummeedwaron ke liye ek behtareen mauka hai jo Indian Railways mein apna career banana chahte hain. Candidates official website — ner.indianrailways.gov.in — par online application form bhar sakte hain. Application submit karne ki aakhiri tareekh 15 November 2025 rakhi gayi hai.
Total Vacancies
Is bharti abhiyan ke zariye 1,104 apprentice padon ko bhara jayega.
Eligibility Criteria
- Shiksha Yogita: Applicant ko 10vi (High School) exam mein kam se kam 50% ank ke saath pass hona zaruri hai (as on 16 October 2025).
- Candidate ne ITI certificate bhi pass kiya ho uss trade mein jisme wo apply kar raha hai.
- Umar Seema: 16 October 2025 ke hisaab se candidate ki minimum age 15 saal aur maximum age 24 saal honi chahiye.
Application Process
Avedan karne ke liye candidates ko niche diye gaye steps follow karne honge:
- Pehle NER ki official website par jaayein.
- Homepage par milne wale recruitment section mein “Apprentice Recruitment 2025” link par click karein.
- Apni basic details dal kar registration process complete karein.
- Registration ke baad login karke application form bhar lein.
- Form bharne ke baad usse submit karein.
- Submission ke baad confirmation page download kar lein.
- Aakhiri mein form ka printout nikal kar apne paas rakh lein.
Selection Process
Selection ka process merit basis par hoga. Iske liye candidates ke Matriculation (10th) aur ITI exam ke percentage ka average nikala jayega. Dono ko barabar weightage di jayegi. Koi likhit pariksha ya interview nahi hoga.
Key Highlights
- Recruitment Board: North Eastern Railway (NER)
- Total Posts: 1,104
- Last Date to Apply: 15 November 2025
- Official Website: ner.indianrailways.gov.in
- Selection Mode: Merit-Based
Tags
Breaking News